幸運

躺下，張口，把一齊交給牙醫。

牙醫是香港人，同我講：磨牙會痛，會幫你打麻針。

好呀，由你決定。我說。

我唔特別怕打針，捐血、抽血，一年打針都幾次。不過，在口腔打針是第二回事。牙肉淺，每次牙醫打針，我都覺得針頭扎進骨頭。我知，那是錯覺。

工具打磨牙齒，傳來嗞嗞的聲音。時間過得很慢，雖然麻醉藥發生效用，我沒感覺到痛，但張口太久，有點累。

半個鐘過去，牙醫叫我漱口。他說：護士兩點半要走，你隻牙仲未補完，要等診所安排下一位護士。

等候期間，我們閒聊了一陣，你幾時來英國？有冇返香港？覺得英國點？

十分鐘過去，還未有護士過來。牙醫發揮了香港人的特質，叫我躺下，他獨自完成補牙工作。

他說：你住得遠，揸幾個鐘頭車過來，想一次過幫你補完。

我不知要怎樣多謝他。困擾我半年的牙痛問題，終於處理好。望穿秋水。

離開前，我跟他說：中秋快樂。

係喎。他笑著說。今日中秋。