在英國做義工，並非想像般容易。首先，網上報名，列明來意，點解想做義工？對義工有何期許？請列出兩位朋友給慈善組織了解閣下背景。諮詢人都要資格，至少認識你兩年，提供的電郵最好係公司電郵。經過一星期左右，收到慈善組織的邀請，可以去慈善店試做半晝，呢個環節叫Taster session，通常兩個鐘，但係我做咗三個鐘，做完之後，經理會拎住份check list，同你一齊回顧Taster session有冇完成必要的事項，例如說明消防、走火警、午膳安排、洗手間、揀衫、標價、替換貨品等等，如果全部都試過，經理會畀意見你，你都要畀返意見經理。我以為大家情投意合，便可以開始做義工。
昨日下午收到慈善店電郵，話可以進入下一個階段。原來仲未可以做義工，做義工之前要完成網上學習課程，讀完所有慈善店及零售服務相關的資料，還要回答簡單問題，如果少過80分，就要再答一次。睇完呢個電郵，我有少少驚訝，原來做義工要求咁嚴格，但洗濕了頭，無理由半途而廢，唯有報讀網上課程，希望盡快完成就算。
不過，當我進入自學課程之後，我就覺得好有意思，課程的第一課關於慈善組織的理念，講到創辦人見到倫敦的兒童問題，於是成立組織，先為兒童籌款，然後擴展至不同的弱勢社群，我聽朋友說，這個慈善店有為BNO香港人籌辦融入社群的活動。每完成一個課程，答對問題，就會收到一份電子證書（其實都幾有滿足感）。之後的課程包括：閉路電視使用指引、個人資料及私隱保障、平等多元及共融政策、自我防衛、義工約章、店舖流程、個人健康及安全。每一個單元，說明都好仔細，有啲問題，我亦都冇諗過。例如個人資料及私隱的部份，指引非常嚴謹，基本上任何人都不能以個人電子設備或在私人場所處理公務。我覺得對英國人來說比較容易，他們是出名的work life balance，好少人會帶工作返屋企做。如果真係在香港執行的話，後果會係點呢？
另外，平等多元及共融政策的說明都非常仔細，其中有個例子，就係若有員工因身體不適取得醫生同意，可以遲一個鐘頭返工（即十點鐘），但如果公司其他職員，沒有遷就該員工的需要，仍選擇朝早九點開會，便構成歧視。有很多話題，在工作場所是不能觸碰的，例如性別認同、宗教、族裔背景等等。我上年十月初初到英國的時候，便有一單大新聞，就是皇室顧問向一位黑人女性問及國籍問，引起軒然大波，新聞節錄如下：The late queen's
lady-in-waiting has resigned and apologised after a black guest at a reception
hosted by the queen consort was left feeling traumatised and violated after she
questioned her repeatedly about where she “really came from”.（The
Guardian, 30/11/22）我面試的時候，都被問及如何處理Equality,
Diversity and Inclusion的問題，不過香港社會比較同質化，我真係講唔到具體經驗。所以，這個網上義工課程，補充咗好多我的不足，我都好認真完成。過咗冇耐，Phil打電話畀我：Congratulations，明天可以正式做義工了。
我覺得自己好好彩，在眾多的慈善店中，選了這間認真看待義務工作的組織，我覺得高要求對我來說也是一份尊重，如果繼續做義工的話，組織還會安排其他照顧兒童等免費課程給我報讀。都係嗰句：慢慢來，Slow
and small progress，the
problem is the solution。
沒有留言:
張貼留言